اسلام آباد(روشن پاکستان نیوز) ماہرینِ فلکیات کے مطابق اس سپرمون کو ’ہارویسٹ سپر مون،، کا نام دیا گیا ہے، جواس وقت وقوع پذیر ہوتا ہے جب چاند زمین کے سب سے قریب آجاتا ہے۔

اس موقع پرچاند زمین سے تقریباً 3 لاکھ 56 ہزار 355 کلومیٹرکے فاصلے پر تھا جبکہ عام طورپراس کا فاصلہ 4 لاکھ 6 ہزار 725 کلومیٹر تک ہوتا ہے۔

سپر مون کے دوران چاند اپنی عام حالت کے مقابلے میں 6 فیصد زیادہ بڑا اور 16 فیصد زیادہ روشن دکھائی دیتا ہے، جس کے باعث آسمان پر اس کا نظارہ نہایت دلکش اورمنفرد ہوتا ہے۔

مزید پڑھیں: 2025 کا دوسرا سورج گرہن کب ہوگا، کیا پاکستان میں دیکھا جا سکے گا؟

فلکیاتی ماہرین کے مطابق رواں سال 5 نومبر اور4 دسمبر کو مزید دو سپر مون دیکھنے کے امکانات ہیں، جو سال کے اختتام سے قبل آسمان کو ایک بار پھر روشن کردیں گے۔