اسلام آباد(روشن پاکستان نیوز) آئی سی سی چیمپئنز ٹرافی 2025 کا ممکنہ شیڈول سامنے آ گیا، میگا ایونٹ پاکستان اور ایک نیوٹرل وینیو پر کھیلا جائے گا۔
ذرائع کے مطابق ایونٹ کا پہلا میچ 19 فروری کو پاکستان اور نیوزی لینڈ کے درمیان کراچی میں ہو گا جب کہ پاک بھارت ٹاکرا نیوٹرل وینیو پر 23 فروری کے روز کھیلا جائے گا۔
ذرائع کا دعوی ہے کہ نیوٹرل وینیو ممکنہ طور پر دبئی ہو سکتا ہے۔
ایونٹ کے آغاز سے قبل چھ دن کا سپورٹ پریڈ رکھا گیا ہے، اس سپورٹ پریڈ میں ٹیموں کی آمد اور اور پریکٹس وغیرہ شامل ہے۔ یہ وقت 12 سے 18 فروری تک ہوگا۔
ممکنہ شیڈول کے مطابق چیمپئنز ٹرافی کے 3، 3 میچز راولپنڈی اور کراچی میں ہوں گے۔ ایک سیمی فائنل اور فائنل سمیت 5 میچز لاہور میں کھیلے جائیں گے۔
بھارت کے فائنل میں پہنچنے کی صورت میں فائنل بھی نیوٹرل وینیو پر ہوگا۔ بھارت کے فائنل میں نہ پہنچنے کی صورت میں فائنل لاہور میں 9 مارچ کو ہوگا۔ فائنل کیلئے ریزرو ڈے بھی رکھا گیا ہے۔
مزید پڑھیں: 2024 میں کون سے مشہور کھلاڑی کرکٹ چھوڑ گئے؟ تفصیلات جانیے
