اسلام آباد(روشن پاکستان نیوز) پاکستان سپر لیگ( پی ایس ایل) 2025 کے ڈرافٹنگ کا پرومو جاری کر دیا گیا ہے۔
پی ایس ایل کے 10 ویں سیزن کے ڈرافٹ کے پرومو میں پی ایس ایل پلیئر ڈرافٹ 11.1 لکھا ہوا ہے۔ پرومو کے مطابق پی ایس ایل پلیئر ڈرافٹ 11 جنوری کو ہوگا۔
ذرائع کا کہنا ہے کہ رواں ہفتے پی ایس ایل کی میٹنگ دوبارہ ہوگی جبکہ رواں ہفتے ہی ملکی و غیر ملکی کھلاڑیوں کی رجسٹریشن کا عمل بھی شروع ہوجائے گا۔
یاد رہے کہ پاکستان سپر لیگ( پی ایس ایل) کے 10ویں ایڈیشن کے ڈرافٹ کی تقریب بیرون ملک کرانے کی تجویز سامنے آئی تھی۔
ذرائع کے مطابق پی ایس ایل 10 کے ڈرافٹ کے لیے انگلینڈ اور دبئی کا نام سامنے آیا۔فرنچائزز کی رائے ہے کہ ڈرافٹ بیرون مل کرانے سے پی ایس ایل کی مقبولیت میں اضافہ ہو گا۔
پی سی بی نے 7 اپریل سے 20 مئی تک پی ایس ایل 10 کی ونڈو رکھی ہوئی ہے۔
مزید پڑھیں: آئی سی سی یا تو پیسے دیکھے یا کرکٹ کی بہتری، شاہد آفریدی
