واشنگٹن (روشن پاکستان نیوز) امریکی وزیر خارجہ مارکو روبیو کا کہنا ہے کہ حوثیوں کے سعودی عرب پر حالیہ حملوں کے پیچھے ایران کا ہاتھ ہے۔
غیر ملکی میڈیا رپورٹس کے مطابق مارکو روبیو نے اپنے بیان میں کہا کہ سعودی عرب کے ساتھ امریکا کے مضبوط دفاعی تعلقات ہیں وہاں کے واقعات پر گہری نظر ہے، یمنی فورسز بھی حوثیوں کے خلاف مؤثر زمینی کارروائیاں کر رہی ہیں۔
امریکی وزیر خارجہ نے کہا کہ مشرق وسطیٰ کی موجودہ صورتحال کی امریکا مسلسل نگرانی کر رہا ہے۔
ایلون مسک کی کمپنی ٹیسلا نے مرسڈیز کو فروخت میں پیچھے چھوڑ دیا
انہوں نے مزید کہا کہ امریکا مقبوضہ مغربی کنارے کے معاملے پر برطانیہ جیسا اقدام نہیں کرے گا، مغربی کنارے کا استحکام متاثر کرنے والا کوئی بھی اقدام نہیں چاہتے۔
مارکو روبیو نے اسرائیل پر برطانیہ کی جانب سے لگائی گئی پابندیوں پر تبصرے سے گریز کیا۔
