ریاض (روشن پاکستان نیوز) پاکستان میں پمز اسپتال میں آتش زدگی پر سعودی عرب نے اظہارِ تعزیت کیا ہے۔
سعودی عرب کی وزارتِ خارجہ نے اسلام آباد میں پاکستان انسٹی ٹیوٹ آف میڈیکل سائنسز (پمز) اسپتال کے زچہ و بچہ صحت کے وارڈ میں آتش زدگی کے واقعے پر حکومتِ پاکستان اور متاثرہ خاندانوں سے ہمدردی کا اظہار کیا ہے۔
بنگلا دیش نے پاکستان، ترکیہ اور سعودیہ کے دفاعی معاہدے میں شمولیت کا اشارہ دیدیا
جاری اعلامیے میں سعودی وزارتِ خارجہ نے پمز اسپتال میں پیش الم ناک آتشزدگی کے نتیجے میں نومولود بچوں کی اموات پر گہرے دکھ اور افسوس کا اظہار کیا۔
اعلامیے میں کہا گیا کہ ہم جاں بحق بچوں کے اہل خانہ، حکومت پاکستان اور برادر اسلامی جمہوریہ پاکستان کے عوام سے دلی تعزیت اور ہمدردی کا اظہار کرتے ہیں۔
وزارتِ خارجہ نے مزید کہا کہ مملکت سعودی عرب نے ان خاندانوں کے ساتھ یک جہتی کا اظہار کیا ہے جنھوں نے بدھ کے روز پیش آنے والے اس المناک واقعے میں کم از کم 14 نومولود بچے کھو دیے۔
وزارت نے پاکستان اور اس کے عوام کے لیے امن و سلامتی کی خواہش بھی ظاہر کی، اور کہا ہم غم کی اس گھڑی میں پاکستانی حکومت اورعوام کے ساتھ کھڑے ہیں۔
