اسلام آباد(ویب ڈیسک )سابق فاسٹ بولر اور معروف کرکٹر شعیب اختر کے ہاں بیٹی کی پیدائش ہوئی ہے، شعیب اختر نے اپنے سوشل میڈیا اکاؤنٹ ایکس پر خوشی کی خبر شیئر کرتے ہوئے لکھا کہ اللہ نے انہیں رحمت دی ہے۔
سابق فاسٹ بولر شعیب اختر نےدوبیٹوں کے بعد اپنے ہاں تیسری بیٹی کی پیدائش کو اللہ کی رحمت قرار دیا، اور لکھا کہ میکائیل اور مجدد کی اب ایک چھوٹی بہن بھی ہے، اور مجھے اللہ نے اپنی رحمت سے نوازا ہے۔
انہوں نے اپنے مداحوں کو اپنی بیٹی کا نام بتاتے ہوئے لکھا کہ نورے علی اختر آج یکم مارچ، انیسویں شعبان جمعہ کی نماز کے وقت پیدا ہوئی۔ آپ سب سے دعاؤں کی درخواست کرتا ہوں۔
بھارتی کرکٹ تجزیہ کار اکاش چوپڑا نے شعیب اختر کو مبارکباد دیتے ہوئے لکھا کہ آپ کو بہت مابرک ہو اور اللہ اسی طرح آپ کو خوشیاں عطا کرے۔
واضح رہے شعیب اختر کے اس سے پہلے 2 بیٹے تھے اللہ نے ان کو بیٹی کی رحمت سے بھی نواز دیا ہے۔
