اسلام آباد(روشن پاکستان نیوز) پاکستان اسٹاک ایکسچینج میں کاروبار کے دوران تیزی کا رجحان دیکھا گیا ، تبادلہ مارکیٹ میں روپے کے مقابلے میں ڈالر کی قیمت میں بھی کمی ہو گئی۔
کاروباری ہفتے کے چوتھے روز اسٹاک مارکیٹ میں مثبت کاروبار کا آغاز ہوا ، پہلے سیشن کے آغاز پر 100 انڈیکس میں 495 پوائنٹس کا اضافہ دیکھا گیا جس کے بعد انڈیکس ایک لاکھ 58 ہزار960 پوائنٹس پر پہنچ گیا۔
مزید پڑھیں: اسٹاک مارکیٹ میں کاروبار کا مثبت آغاز ، ڈالر کی قیمت 6 ماہ کی کم ترین سطح پر آ گئی
گزشتہ روز بھی کاروبار کے آغاز پر انڈیکس ایک لاکھ 61 ہزار 600 پوائنٹس پر پہنچ گیا تاہم کاروباری دن کے اختتام پر کاروبار منفی زون میں چلا گیا تھا۔
دوسری جانب ڈالر مزید 6 پیسے سستا ہو گیا ہے ، ایکسچینج کمپنیز ایسوسی ایشن کے مطابق انٹر بینک میں ڈالر 280 روپے 90 پیسے پر ٹریڈ کر رہا ہے۔
