اسلام آباد(روشن پاکستان نیوز) پاکستان اسٹاک ایکسچینج میں مثبت کاروبار کا آغاز ہوا ، دوسری جانب پاکستانی روپے کے مقابلے میں ڈالر کی قیمت 6 ماہ کی کم ترین سطح پر آ گئی ہے۔
کاروباری ہفتے کے تیسرے روز اسٹاک مارکیٹ میں تیزی کا رجحان دیکھا گیا ، کاروبار کے آغاز پر 100 انڈیکس میں 499 پوائنٹس کا اضافہ ریکارڈ کیا گیا جس سے انڈیکس ایک لاکھ 61 ہزار 600 پوائنٹس پر پہنچ گیا۔
گزشتہ روز بھی کاروبار کے آغاز پر اسٹاک مارکیٹ میں تیزی دیکھی گئی تھی تاہم آخری سیشن میں کاروبار منفی زون میں چلا گیا جس سے سرمایہ کاروں کو اربوں روپے کا نقصان ہوا۔
مزید پڑھیں: واٹس ایپ نے صارفین اور کاروباری اداروں کے غیر جوابی پیغامات کی حد مقرر کر دی
دوسری جانب ڈالر کی قیمت میں 6 ماہ کی کم ترین سطح پر آ گئی ہے ، ایکسچینج کمپنیز ایسوسی ایشن کے مطابق انٹر بینک میں 7 پیسے کی کمی کے بعد ڈالر 280 روپے 90 پیسے کا ہو گیا۔
