غزہ(روشن پاکستان نیوز) پر اسرائیلی حملے میں الجزیرہ کے معروف صحافی انس الشریف 4 ساتھیوں سمیت شہید ہو گئے۔
غزہ کے الشفاء اسپتال کے ڈائریکٹر کے مطابق الجزیرہ کے صحافی انس الشریف اپنے ساتھیوں کے ساتھ ممکنہ طور پر اسرائیلی ٹارگٹڈ حملے میں شہید ہوئے۔
الشفاء اسپتال کے مرکزی دروازے کے باہر صحافیوں کے لئے لگائے گئے خیمے کو اسرائیلی فوج نے نشانہ بنایا ، جس میں الجزیرہ کے انس الشریف ،محمد قریقیہ ، کیمرا مین ابراہیم ظاہر ، محمد نوفل اور مومین علیوا بھی اس حملے میں شہید ہوئے۔
اسرائیلی فوج نے حملے میں الجزیرہ کے صحافی انس الشریف کو نشانہ بنانے کی تصدیق کرتے ہوئے الزام لگایا کہ وہ حماس کے ایک سیل کی سربراہی کر رہے تھے اور اسرائیلی شہریوں اور فوجیوں پر راکٹ حملوں کی منصوبہ بندی میں ملوث تھے۔
مزید پڑھیں: اسلام آباد کے 50 فیصد سے زائد سرکاری تعلیمی ادارے ٹرانسپورٹ سہولت سے محروم، والدین پر مالی بوجھ میں اضافہ
واضح رہے کہ انس الشریف نے شمالی غزہ سے بڑے پیمانے پر رپورٹنگ کی تھی ، اسرائیل کی جانب سے انہیں ماضی میں جان سے مارنے کی دھمکیاں دی گئیں۔
