اسلام آباد(روشن پاکستان نیوز) اسپارکو نے ذی القعدہ کے چاند بارے پیشگوئی کر دی ہے، آج چاند نظر آنے کا امکان ہے۔

اسپارکو نے کہا ہے کہ ذی القعدہ 1446 ہجری کے نئے چاند کی پیدائش رات بارہ بج کر 31 منٹ پر ہو گئی ہے، آج غروب آفتاب کے وقت، نئے چاند کی عمر تقریباً 18 گھنٹے اور 51 منٹ ہوگی۔

اسپارکو کے مطابق ملک کے ساحلی علاقوں میں غروب آفتاب اور چاند غروب کے درمیان کا دورانیہ 53 منٹ ہونے کی توقع ہے، آج ذی القعدہ کا چاند نظر آنے کا امکان ہے۔

اگر چاند آج نظر آتا ہے تو شوال 29 دن کا ہو گا اور ذی القعدہ اگر 30 یوم کا ہوا تو عیدالاضحی 7 جون کو ہونے کی توقع ہے اگر ذی القعدہ بھی 29 دنوں پر مشتمل ہوا تو عید چھ جون کو ہو سکتی ہے۔

ذی القعدہ کا چاند اگر آج نظر نہیں آتا تو عیدالاضحی پھر 7 جون یا پھر 8 جون کو ہو سکتی ہے، چاند کی رویت کا حتمی اعلان رویت ہلال کمیٹی کرے گی۔

مزید پڑھیں: ایلیٹ فورم ریاض کی جانب سے عید ملن تقریب منعقد کی گئی، خواتین کی بھرپور شرکت