اسلام آباد(روشن پاکستان نیوز) پاکستان اسٹاک ایکسچینج میں کاروبار کے دوران تیزی کا رجحان رہا ، تبادلہ مارکیٹ میں ڈالر کی قیمت میں بھی کمی ریکارڈ کی گئی۔
کاروباری ہفتے کے تیسرے روز اسٹاک مارکیٹ میں کاروبار کا مثبت آغاز ہوا ، اسٹاک ایکسچینج کے 100 انڈیکس میں 484 پوائنٹس کا اضافہ دیکھا گیا جس کے بعد انڈیکس ایک لاکھ 14 ہزار 661 پوائنٹس پر پہنچ گیا۔
مزید پڑھیں: اسٹاک ایکسچینج میں کاروبار کا مثبت آغاز ، ڈالر کی قیمت بھی گر گئی
واضح رہے گزشتہ روز اسٹاک مارکیٹ میں شدید مندی کے باعث سرمایہ کاروں کا اربوں روپے کا نقصان ہوا تھا۔
دوسری جانب ایکسچینج کمپنیز ایسوسی ایشن کے مطابق روپے کے مقابلے میں ڈالر سستا ہو گیا، انٹر بینک میں 15 پیسے کی کمی سے ڈالر کی قیمت 279 روپے 80 پیسے پر آ گئی۔
