مراد آباد(روشن پاکستان نیوز) ایک خاتون نے پانچ دن کے دوران چار بچوں کو جنم دے کر نہ صرف دنیا بلکہ شعبہ طب کو بھی حیران کر دیا ہے۔
کسی بھی خاتون کے ہاں جڑواں، ٹرپل یا اس سے زائد بچے ایک ہی حمل میں پیدا ہوتے ہیں تو ان میں وقفہ منٹوں یا زیادہ سے زیادہ چند گھنٹوں پر محیط ہوتا ہے، لیکن ایک خاتون کے ہاں ڈیلیوری کا عمل پانچ دن طویل رہا، جس میں انہوں نے چار بچوں کو جنم دیا۔
زچگی کا یہ حیرت انگیز واقعہ بھارت کے شہر مراد آباد میں رونما ہوا، جہاں ایک مسلم خاتون نے پانچ دن کے وقفے کے دوران دو بیٹوں اور دو بیٹیوں کو جنم دیا۔
پنجاب اور سندھ کے بعد خیبر پختونخوا میں بھی اسمارٹ لاک ڈاؤن ختم کردیا گیا
خاتون کے حمل کو ابتدا ہی سے ’ہائی رسک‘ قرار دیا گیا تھا۔ تاہم حیرت انگیز بات یہ ہے کہ تمام بچوں کی ولادت بغیر آپریشن نارمل طریقے سے ہوئی ہے۔
چار بچوں کی ولادت کے واقعے نے نہ صرف طبی حلقوں بلکہ عام لوگوں میں بھی دلچسپی پیدا کر دی ہے کیونکہ ایک ساتھ چار بچوں کی ولادت خود ایک نادر واقعہ تصور کیا جاتا ہے اور وہ بھی مسلسل پانچ دنوں کے دوران نارمل ڈلیوری کے ذریعے، طبی اعتبار سے اسے غیر معمولی واقعہ قرار دیا جا رہا ہے۔
آمنہ نامی خاتون نے 9 مئی کو اپنے پہلے بچے کو جنم دیا اور اس کے بعد تین بچوں کی پیدائش 14 مئی کو ہوئی۔ اسپتال انتظامیہ کے مطابق ماں اور تمام نومولود طبی نگرانی میں ہیں۔ بچوں کی حالت مستحکم ہے، تاہم احتیاطی طور پر انہیں وینٹی لیٹر سپورٹ پر رکھا گیا ہے۔
انڈین میڈیا کی رپورٹ کے مطابق اس میڈیکل ٹیم کی قیادت ڈاکٹر شبھرا اگروال کر رہی ہیں۔ جن کا کہنا ہے کہ اسپتال کی تاریخ میں یہ پہلا موقع ہے جب چار بچوں کی پیدائش مکمل طور پر نارمل ڈلیوری کے ذریعے ہوئی ہو۔
