اسلام آباد(روشن پاکستان نیوز) ڈی آئی جی موٹروے پولیس فرید علی نے افسران کو ہدایت کی ہے کہ لین کی خلاف ورزی پر کوئی رعایت نہ برتی جائے۔
ترجمان موٹروے پولیس کے مطابق انہوں نے سیکٹرملتان اور رحیم یار خان کا دورہ کیا،افسران کے مسائل سنے، فوری حل کے احکامات جاری کئے،آپریشنل میٹنگ میں سیکٹر کمانڈرز نے بریفنگ دی۔
اس موقع پر انہوں نے ہدایات دیں کہ ہیوی ٹریفک کی لین خلاف ورزی پر فوری اور سخت کارروائی کی جائے،اوور لوڈڈ اور لین کی خلاف ورزی کرنے والی گاڑیاں قومی شاہراہوں پر نہیں چلیں گی۔
مزید پڑھیں: پولیس رپورٹ میں پی ٹی آئی رہنما سلمان اکرم راجہ سمیت 7 ملزمان قصور وار قرار
حادثات پر قابو پانے کے لیے خصوصی مہم چلائی جائی،عوام کو محفوظ سفر فراہم کرنا اولین ترجیح، کوتاہی برداشت نہیں کی جائے گی۔
ڈی آئی جی سید فرید علی نے افسران کی کارکردگی کوسراہا، مزید بہتری سے کام کرنے کی ہدایت کی۔
