اسلام آباد(روشن پاکستان نیوز) پاکستان میں رواں سال پولیو کا چوتھا کیس سامنےآگیا۔
قومی ایمرجنسی آپریشنز سینٹر کے مطابق پولیو کا نیا کیس خیبرپختونخوا کے ضلع بنوں سے رپورٹ ہوا ہے، متاثرہ بچہ تحصیل میریان کی یونین کونسل نورڑ کا رہائشی ہے جبکہ رواں سال رپورٹ ہونے والے 4 میں سے 3 پولیوکیسزبنوں ڈویژن سے سامنے آئے ہیں۔
حکام این ای او سی نے بتایا کہ سکیورٹی مسائل کے باعث بنوں ڈویژن میں بچوں تک مسلسل رسائی ممکن نہیں ہو رہی، یونین کونسل نورڑ میں پولیو ٹیمیں 2025 سے بچوں تک باقاعدگی سے نہیں پہنچ سکیں۔
تیسرا ٹیسٹ: انگلینڈ کا ٹاس جیت کر بولنگ کا فیصلہ، پاکستانی ٹیم میں 3 کھلاڑیوں کا ڈیبیو
حکام کے مطابق ویکسین سے محروم بچوں کے باعث جنوبی خیبرپختونخوا میں پولیو وائرس کی گردش جاری ہے، ملک میں مجموعی طورپرپولیو وائرس منتقلی میں کمی آئی ہے تاہم جنوبی خیبر پختونخوا میں خطرہ برقرار ہے۔
این ای او سی نے مزید بتایا کہ پاکستان میں 2025 کے دوران پولیو کے 31 کیسز رپورٹ ہوئے تھے، ملک گیر انسداد پولیو مہم 21 سے 27 ستمبر تک جاری رہےگی، آئندہ مہم کے دوران تقریباً 3 کروڑ 10 لاکھ بچوں کو انسداد پولیو قطرے پلائے جائیں گے، پولیو ویکسین محفوظ اور مؤثرہے اور دنیاکے195 ممالک میں استعمال کی جا چکی ہے۔
