ایک ایسی انوکھی گاڑی جو زمین پر چلنے کے ساتھ ساتھ ہوا میں بھی اڑتی ہے، جسے دیکھ کر لگتا ہے کہ یہ کسی سائنس فکشن فلم سے نکل کر ہماری دنیا میں پہنچ گئی ہے۔

امریکی کمپنی الفا ایروناٹکس کی 2 سیٹوں والی اڑنے والی گاڑی ابھی تک صارفین کے لیے دستیاب نہیں ہے لیکن لوگ پہلے ہی اس کے 2850 یونٹ مختص کروا چکے ہیں۔

الیف ماڈل اے نامی یہ کار جب بھی صارفین کے لیے دستیاب ہوگی، اس کی قیمت 3 لاکھ ڈالر مقرر کی جائے گی۔

کمپنی کو توقع ہے کہ 2025 تک یہ گاڑی لوگوں کو سڑک پر سفر کرنے کے ساتھ ساتھ ہوا میں اڑنے کی بھی سہولت فراہم کر سکے گی۔

یہ الیکٹرک گاڑی سڑک پر 25 سے 35 میل اور فضامیں 110 میل فی گھنٹہ کی رفتار سے سفر کر سکے گی۔

اس گاڑی کے اندر 8 پروپیلرز نصب ہیں اور کمپنی کے مطابق یہ اڑنے والی گاڑی دنیا بھر میں ٹریفک کا مسئلہ حل کرسکتی ہے۔

یہ گاڑی ہیلی کاپٹر کی طرح ٹیک آف اور لینڈ کرنے کے قابل ہو گی اور اس کی خاص بات یہ ہے کہ اس کے پرنہیں ہیں جو پرواز میں مدد فراہم کرتے ہیں۔

چونکہ اس کے پر نہیں ہے، اس لیے یہ ڈرون کی طرح پرواز کر سکے گا جس کے پروپیلرز پرواز میں مدد کریں گے۔

کمپنی کو امریکی فیڈرل ایوی ایشن اتھارٹی کی جانب سے گاڑی کی تیاری اور تحقیق کے لیے 2023 میں خصوصی سرٹیفکیٹ جاری کیا گیا تھا تاہم اسے ابھی بھی آزمائشی پرواز کے لیے اجازت درکار ہے۔

کمپنی کو ایلون مسک کی کمپنی SpaceX کی طرف سے بھی مالی امداد فراہم کی جاتی ہے۔