اسلام آباد(عرفان حیدر) اینٹی نارکوٹکس فورس (اے این ایف) نے ملک کے مختلف شہروں میں منشیات اسمگلنگ کے خلاف وسیع پیمانے پر کریک ڈاؤن کیا، جس کے دوران 9 کاروائیوں میں 3 خواتین سمیت 9 ملزمان گرفتار ہوئے اور 86 لاکھ روپے سے زائد مالیت کی 91.46 کلو گرام منشیات برآمد کی گئی۔
راولپنڈی میں کوریئر آفس سے کینیڈا جانیوالے پارسل میں چھپائی گئی 873 گرام افیون، ایک اور پارسل سے 66 گرام وزنی 188 ایکسٹسی گولیاں اور برطانیہ سے آنے والے پارسل سے 76 گرام وزنی 2 کینابس آئل ویپ برآمد ہوئے۔
اے این ایف کا ملک بھر میں منشیات اسمگلنگ کے خلاف بڑا کریک ڈاؤن
موٹر وے ٹول پلازہ اسلام آباد کے قریب ایک گاڑی سے 7 کلوگرام آئس اور 2.4 کلوگرام چرس برآمد ہوئی، جس کے بعد 3 خواتین سمیت 5 ملزمان گرفتار ہوئے۔
سہراب گوٹھ کراچی میں ایک ملزم کے قبضے سے 4.8 کلوگرام چرس، سنگجانی ٹول پلازہ اسلام آباد کے قریب 3.6 کلوگرام چرس، ماڈل ٹاؤن اسلام آباد کے قریب 395 گرام وزنی 500 سائکوٹراپک گولیاں اور ترکئی ٹول پلازہ جہلم کے قریب مسافر سے 250 گرام وزنی چرس برآمد کی گئی۔
دلدار عمرانی گوٹھ کراچی میں 2 ٹریکٹروں میں چھپائی گئی 72 کلوگرام چرس بھی ضبط کی گئی۔
تمام کاروائیوں کے بعد انسداد منشیات ایکٹ 1997 کے تحت مقدمات درج کر کے تحقیقات کا آغاز کر دیا گیا ہے۔
