اسلام آباد (روشن پاکستان نیوز) معروف پاکستانی کرکٹر، پاکستان سپر لیگ کراچی کنگز کی فرنچائز کے کھلاڑی حسن علی دوسری بار باپ بن گئے۔
کرکٹر حسن علی نے اپنے دوسرے بچے کی پیدائش کی خوشخبری چند منٹ قبل اپنے مداحوں اور فالوورز کے ساتھ اپنے انسٹاگرام اکاؤنٹ پر شیئر کی ہے۔
حسن علی نے کہا ہے کہ الحمدللہ آج صبح ان کی دوسری بیٹی کی پیدائش ہوئی ہے جبکہ ان کی نومولود بیٹی اور اہلیہ دونوں صحت مند ہیں۔
کرکٹر کا کہنا ہے کہ انہوں نے اپنی دوسری بیٹی کا نام ہیزل حسن علی رکھا ہے۔
حسن علی نے اپنی پوسٹ میں مزید لکھا کہ آپ سب سے درخواست ہے کہ ہمیں اپنی دعاؤں میں یاد رکھیں۔
واضح رہے کہ حسن علی کے ہاں پہلی بیٹی کی پیدائش اپریل 2021 میں ہوئی تھی۔
یاد رہے کہ پاکستانی فاسٹ بولر حسن علی اگست 2020 میں بھارت سے تعلق رکھنے والی سامعہ آرزو کے ساتھ رشتہ ازدواج میں منسلک ہوئے تھے۔
دونوں کی شادی کی مختصر تقریب دبئی کے ایک ہوٹل میں منعقد ہوئی جس میں دونوں کے قریبی دوستوں اور رشتہ داروں نے شرکت کی۔
