نیودہلی(روشن پاکستان نیوز) بھارتی سپریم کورٹ نے ایشیا کپ میں پاک بھارت میچ منسوخ کرنے کی درخواست پر فیصلہ سنا دیا۔

عدالت نے درخواست مسترد کر دی اس موقع پر عدالت نے استفسار کیا کہ اس میں ہنگامی نوعیت کا معاملہ کیا ہے؟

عدالت کا کہنا تھا کہ یہ ایک میچ ہے اور اسے میچ ہی رہنے دیں۔ جج نے اپنے ریمارکس دیتے ہوئے کہا کہ اتوار کو میچ ہے، میچ ہونا چاہیے اس وقت کچھ نہیں ہو سکتا۔

اس معاملے کی سماعت کرنے سے بھی بھارتی سپریم کورٹ کے جسٹس جے کے مہیشوری اور وجے بشنوئی پر مشتمل بینچ نے انکار کردیا۔

ایشیا کپ میں دونوں ٹیمیں 14 ستمبر بروز اتوار دبئی میں آمنے سامنے ہوں گی، ٹی ٹوئنٹی ایشیا کپ میں اگر دونوں ٹیمیں فائنل میں پہنچتی ہیں تو ان شائقین کو اس ایونٹ میں ان کے درمیان تین مقابلے دیکھنے کو ملیں گے۔

مزید پڑھیں: پاک بھارت میچ پر پابندی کیلئے بھارتی سپریم کورٹ میں درخواست دائر