اسلام آباد(روشن پاکستان نیوز)انٹرنیشنل مانیٹری فنڈ (آئی ایم ایف) نے پاکستان کی نومنتخب حکومت کے ساتھ مل کر کام کرنے پر آمادگی ظاہر کردی ہے۔
میڈیا بریفنگ میں آئی ایم ایف کی ڈائریکٹر کمیونیکیشن جولی کوزیک نے نگراں حکومت کے معاشی استحکام سے متعلق اقدامات پر اطمینان کا اظہار کرتے ہوئے کہا کہ نگراں حکومت کے دوران حکام نے معاشی استحکام برقرار رکھا، مہنگائی پر قابو پایا، زرمبادلہ میں اضافہ کیا۔ سخت مالیاتی پالیسی پر عمل کیا۔
جولی کوزیک نے کہا کہ 11 جنوری کو، IMF کے ایگزیکٹو بورڈ نے اسٹینڈ بائی ارینجمنٹ کے پہلے جائزے کی منظوری دی، جس کے تحت پاکستان کو 1.9 بلین ڈالر جاری کیے گئے، یہ قرضہ پروگرام ہے جو پاکستان کو معاشی استحکام کی کوششوں میں مدد فراہم کر رہا ہے۔
ڈائریکٹر کمیونیکیشنز آئی ایم ایف نے کہا کہ قرضہ پروگرام کمزوروں کے تحفظ پر مضبوط فوکس رکھتا ہے، پاکستانی شہریوں کے وسیع تر معاشی استحکام اور خوشحالی کے لیے پاکستان میں میکرو اکنامک استحکام کو یقینی بنانے کی پالیسی پر نئی حکومت کے ساتھ کام کرنے کے منتظر ہیں۔
بانی چیئرمین پی ٹی آئی نے مبینہ انتخابی دھاندلی کو جواز بنا کر آئی ایم ایف کو لکھے گئے خط کا بھی واضح جواب دیا اور امدادی دھاندلی کی تحقیقات کو عدلیہ سے مشروط کرنے اور جاری سیاسی معاملات پر تبصرہ نہ کرنے کا بہانہ کیا۔ اور کہا کہ جو کچھ کہنا تھا اس میں اضافہ نہیں کرنا چاہتی۔
