اسلام آباد(روشن پاکستان نیوز) وزیر داخلہ محسن نقوی نے کہا ہے کہ پاکستان کو مضبوط بنانے کے لیے جو ضروری ہو گا وہ کریں گے۔
وزیر داخلہ محسن نقوی نے میڈیا سے گفتگو کرتے ہوئے کہا کہ آگاہ ہیں کہ صدر اور وزیر اعظم کے خلاف بدنیتی پر مبنی مہم کے پیچھے کون ہے۔ میں واضح کہہ چکا ہوں کہ صدر کے استعفے سے متعلق کوئی بات نہیں ہوئی۔
انہوں نے کہا کہ صدر کا مسلح افواج کی قیادت کے ساتھ مضبوط اور باوقار تعلق ہے۔ جبکہ فیلڈ مارشل کی تمام تر توجہ پاکستان کی طاقت اور استحکام پر مرکوز ہے۔
یہ بھی پڑھیں: پاکستان اسٹاک ایکسچینج میں تیزی، انڈیکس میں 1027 پوائنٹس کا اضافہ
محسن نقوی نے کہا کہ صدر کا کہنا ہے مجھے معلوم ہے یہ جھوٹ کون اور کیوں پھیلا رہا ہے۔ اور جو جھوٹے بیانیے کا حصہ ہیں وہ دشمن ایجنسیوں کے ساتھ مل کر جو چاہیں کریں۔
انہوں نے کہا کہ پاکستان کو مضبوط بنانے کے لیے جو ضروری ہو گا وہ کریں گے۔
