اسلام آباد(روشن پاکستان نیوز) وزارت مذہبی امور نے حج 2025 کےلئے سرکاری سکیم کے عازمین سے واجبات وصولی کی تیسری قسط کا شیڈول جاری کر دیا ہے۔
ترجمان کے مطابق سرکاری حج سکیم میں واجبات کی تیسری قسط 6 تا 14 فروری تک نامزد بینکوں میں جمع کرائی جا سکتی ہے۔
حج تربیتی پروگرام کا پہلا مرحلہ خوش اسلوبی سے جاری ہے۔ ملک بھر میں تحصیل اور اضلاع کی سطح پر حاجیوں کے لئے تربیتی پروگرام منعقد کئے جا رہے ہیں۔
حج تربیت کا دوسرا مرحلہ رمضان ا لمبارک کے بعد آخری حج پرواز تک جاری رہے گا،دوسری جانب وزارت مذہبی امور کی جانب سے حتمی حج پیکج کا اعلان بھی کردیا گیا ہے۔
مزید پڑھیں: حکومت کا گزشتہ سال فریضہ حج ادا کرنے والے عازمین کو 40 ہزار روپے واپس کرنے کا اعلان
ترجمان وزارت مذہبی امور کا کہنا تھا کہ لانگ حج پیکج کی قیمت 10 لاکھ 75 ہزار جبکہ شارٹ حج پیکج کی حتمی قیمت 11 لاکھ 50 ہزار روپے ہو گی۔
