اسلام آبا د(روشن پاکستان نیوز)پاکستان نے ایشین جوجٹسو چیمپئن شپ 2024 میں ایک گولڈ اور دو کانسی کے تمغے جیت لیے ہیں۔
پاکستان کی 5 رکنی ٹیم نے ابوظہبی میں ہونے والی ایشین جوجٹسو چیمپئن شپ میں ایک گولڈ اور دو کانسی کے تمغے جیتے۔
انڈر 18 ڈو کلاسک ایونٹ میں محمد یوسف علی اور عمر یاسین نے فائنل میں قازقستان کو شکست دے کر پاکستان کے لیے گولڈ میڈل جیتا۔
اس کے علاوہ اسرا وسیم اور کائنات عارف نے ڈو شو اور ڈو کلاسک کی سینئر ویمنز کیٹیگری میں پاکستان کے لیے بالترتیب 2 کانسی کے تمغے حاصل کیے۔
پاکستان جوجٹسو فیڈریشن کے چیئرمین خلیل احمد خان نے کھلاڑیوں کو کامیابی پر مبارکباد دی ہے۔
