مزید نشستیں مل گئیں تو اکیلے حکومت بنائیں گے، لطیف کھوسہ

اسلام آباد(روشن پاکستان نیوز) تحریک انصاف کے حمایت یافتہ آزاد رکن قومی اسمبلی لطیف کھوسہ نے کہا ہے کہ ہم مزید پچاس نشستیں ملنے کا انتظار کریں گے، مل گئیں تو اکیلے حکومت بنائیں گے، نہ ملیں تو اپوزیشن میں بیٹھیں گے۔

نجی ٹی وی پروگرام میں بات چیت کرتے ہوئے انہوں نے کہا کہ جس پارٹی کے پاس سب سے زیادہ ارکان ہوں اسے ہی حکومت بنانے کے لیے مدعو کیا جاتا ہے۔

مزید پڑھیں:لاہور پولیس کابا نی پی ٹی آئی کو سات مقدمات میں گرفتار کرنے کا فیصلہ

ان کا مزید کہنا تھا کہ اتحادی حکومت بنانے کا ہمارا تجربہ کامیاب نہیں رہا، ایک وسیم قادر کے سوا ہمارے باقی سب ارکان ہمارے ساتھ کھڑے ہیں۔واضح رہے کہ عام انتخابات میں پاکستان تحریک انصاف کے حمایت یافتہ 92 آزاد امیدوار کامیاب ہوئے ہیں۔