لندن(صبیح زونیر)پاکستان سے برطانیہ منگوائی گئی کار سے گن بنانے کے آلات برآمد ہوئے ہیں۔
میڈیا رپورٹ کے مطابق لندن گیٹ ویک پورٹ پر پاکستان سے آئی کار میں سے گن بنانے کے آلات برآمد ہوئے، آلات کار کے فیول ٹینک کے اندر اور بونٹ کے نیچے چھپائے گئے تھے۔
رپورٹ میں کہا گیا ہے کہ کار کے آلات برآمد ہونے کے بعد حکام نے کارروائی کرتے ہوئے برمنگھم کے علاقے اسپارک ہل سے یاسر خان نامی شخص گرفتار کیا ہے۔
مبینہ ملزم یاسر خان کو آج مجسٹریٹس کورٹ میں پیش کیا جائےگا۔
