جمعه,  21 جون 2024ء
ہم دوتہائی اکثریت حاصل کرچکے،نواز کی وکٹری سپیچ کوئی نہیں مانے گا،عمران خان

اسلام آباد(روشن پاکستان نیوز)سابق وزیراعظم اور بانی پاکستان تحریک انصاف عمران خان نے دعوی کیا ہے کہ پاکستان تحریک انصاف نے انتخابات میں دو تہائی اکثریت حاصل کر لی ہے جبکہ نواز شریف نے 30 نشستیں پیچھے ہونے کے باوجود وکٹری سپیچ کی۔

عمران خان کے ایکس اکانٹ سے جاری کیے گئے اے آئی ویڈیو پیغام میں عوام کو مخاطب کرتے ہوئے کہا گیا کہ آپ نے ووٹ دے کر حقیقی آزادی کی بنیاد رکھ دی ہے، الیکشن جیتنے پر آپ کو مبارک باد دیتا ہوں۔

پیغام کے مطابق مجھے بھروسہ تھا کہ آپ ووٹ دینے نکلیں گے، آپ نے میرے بھروسے کا مان رکھا اور آپ کے زیادہ ٹرن آٹ نے سب کو حیران کر دیا ہے۔

ان کا کہنا تھا کہ آپ کے ووٹ کی وجہ سے لندن پلان فیل ہو چکا ہے۔

انہوں نے نواز شریف کی جمعے کی رات کی گئی تقریر کا حوالہ دیتے ہوئے کہا کہ اس وقت وہ نتائج کے مطابق 30 سیٹیں پیچھے تھے اور پھر بھی وکٹری سپیچ کر ڈالی۔

انہوں نے نواز شریف کو شدید تنقید کا نشانہ بناتے ہوئے کہا کہ ان کی وکٹری سپیچ کو کوئی نہیں مانے گا، عالمی میڈیا اس پر لکھ بھی رہا ہے۔

عمران خان نے آزاد ذرائع کا حوالہ دیتے ہوئے کہا کہ دھاندلی شروع ہونے سے قبل ہم 150 نشستوں پر جیت رہے تھے۔

مزید پڑھیں: دھاندلی کے باوجود میدان مار لیا ،لطیف کھوسہ کی دبنگ گفتگو ، جلد از جلدعمران خان کی رہائی کا مطالبہ کر دیا،دیکھیں خبر

پیغام میں یہ بھی کہا گیا ہے کہ عوام نے تاریخ رقم کر دی ہے، ہم ایک قوم بن گئے، اب ہمیں اونچی پروز سے کوئی نہیں روک سکتا۔

انہوں نے قوم کو مبارک باد دیتے ہوئے کہا کہ جشن منائیں اور شکرانے کے نوافل ادا کریں۔

سب نے آپ کے ووٹ کی طاقت دیکھ لی، اب ووٹ کی حفاظت کی صلاحیت بھی دکھائیں۔

مزید خبریں

FOLLOW US

Copyright © 2024 Roshan Pakistan News