دبئی (روشن پاکستان نیوز) ویمنز ایشیا کپ میں پاکستان ویمنز نے ہانگ کانگ ویمنز کو 72 رنز سے ہراکر سیمی فائنل کے لیے کوالیفائی کرلیا۔
دبئی میں کھیلے گئے میچ میں پاکستان ویمنز نے پہلے کھیلتے ہوئے مقررہ 20 اوورز میں 8 وکٹ پر 143 رنز بنائے۔
شوال ذوالفقار 47 اور عائشہ ظفر 26 رنز بناکر نمایاں رہیں ۔ کپتان فاطمہ ثنا نے 24 رنز کی ناٹ آؤٹ اننگز کھیلی۔
پاکستان نے کوریا کو تیسرے ہاکی میچ میں شکست دیکر ٹیسٹ سیریز جیت لی
جواب میں ہانگ کانگ ویمنز کی ٹیم پاکستانی اسپنر نشرہ سندھو کی تباہ کن بولنگ کے سبب صرف 71 رنز پر ڈھیر ہوگئی۔
نشرہ سندھو نے پاکستان ویمنز ٹی ٹوئنٹی کی تاریخ کی بہترین بولنگ کرتےہوئے صرف 7رنز کے عوض 6 وکٹیں حاصل کیں۔
یوں پاکستان ویمنز نے میچ 72 رنز سے جیت کر ایونٹ کے سیمی فائنل کے لیے کوالیفائی کرلیا جہاں اُس کا مقابلہ 11 ستمبر کو سری لنکا ویمنز ٹیم سے ہوگا۔
