دبئی(روشن پاکستان نیوز)ممتاز عالمی سکالر،مبصر، دانشور اور تجزیہ نگار مفتی عبدالقوی نے شہبازشریف کو وزیراعظم پاکستان منتخب ہونے پر مبارکباد دیتے ہوئے اپیل کی ہے کہ وزیراعظم شہبازشریف پہلی فرصت میں تمام ارکان اسمبلی سے حلف لیں کہ آج کے بعد ملک میں کرپشن نہیں ہوگی ۔
اپنے تہنیتی پیغام میں مفتی عبدالقوی نے کہا کہ ماشاءاللہ پاکستان کی اسمبلی کا اغاز ہوگیا ہے ،ا سپیکر منتخب ہو گئے ہیں، ڈپٹی سپیکر بھی منتخب ہو گئے ہیں ۔
مزیدپڑھیں:وزیر اعلیٰ پنجاب مریم نواز کا معذور نوجوان کی اپیل پر ایکشن
انہوں نے کہا کہ تمام منتخب ہونے والے قومی اسمبلی کے ارکان کو اوورسیز پاکستانی اور بالخصوص عرب ممالک میں رہنے والے پاکستانیوں کی طرف سے سلام پیش کرتے ہیں ۔
انہوں نے کہاکہ جو اقتدار میں بیٹھے ہیں ان سے ایک بات کرتا ہوں کہ خدارا اب آپ اقتدار میں آگئے ہیں جیسے بھی آئے ہیں ،اپنا ماٹو بنائیں کہ کسی قسم کی کوئی کرپشن نہیں ہوگی ،جو شخص عہدے پر ہوتا ہے وہ اتنی کرپشن نہیں کرتا جو اس کے دائیں بائیں ہوتے ہیں وہ سب سے زیادہ کرپشن میں ملوث ہوتے ہیں ،آپ نے کسی مافیا کا کسی طرح کی کرپشن میں ملوث نہیں ہونا اور میں انشاءاللہ کل شام کو پاکستان واپس پہنچ رہاہوںاورملک کو مستحکم کرنے کے لیے اوورسیز کی طرف سے کیا تجاویز لے کر ا ٓرہا ہوں یہ میں پاکستان پہنچ کر بتاؤں گا ۔
مفتی عبدالقوی نے کہا کہ میں ان تمام ارکان اسمبلی کو مبارکباد دیتا ہوں جو عمران خان کی وجہ سے منتخب ہو کر اسمبلی میں آئے ہیں اور ان میں سے 21 حضرات وہ بھی ہیں جو جنوبی پنجاب سے منتخب ہو کر اس وقت اقتدار کی کرسیوں پر موجود ہیں ،مجھے یقین ہے کہ جو حضرات اس وقت اقتدار کی کرسیوں پر موجود ہیں ان میں سے دو حضرات تو یقینا بحیثیت وزیر ،دو بحیثیت وزیر مملکت، ایک شخصیت بطور ڈپٹی چیئرمین سینٹ اسی طریقے سے ایک شخصیت بطور گورنر اور تین شخصیات بطور پارلیمانی سیکرٹری منتخب ہوں گے ۔
انہوں نے کہاکہ میں ان سب حضرات کو پیشگی مبارکباد دیتا ہوں اور ان سے استدعا کرتا ہوں کہ آپ حضرات اسمبلی میں پہنچ گئے ہیں، آپ نے سب سے پہلے جنوبی پنجاب کی پسماندگی کو دور کرنا ہے، نوجوان نسل میں اپنے پیار اور محبت کو تازہ کرنے کے لیے ایسے اقدامات کرنے ہیں جن سے پاکستان معاشی طور پر مستحکم ہو اور غربت کا خاتمہ ہو ،سب سے پہلے مسئلہ گندم کا ہے، گندم کی قیمت کو مقرر کریں، کاشتکار کے لیے آسانیاں پیدا کریں۔
