اسلام آباد (روشن پاکستان نیوز) مہنگائی سے پریشان عوام کے لیے ایک اور بری خبر، وفاقی حکومت نے بجلی کے بعد پیٹرولیم مصنوعات کی قیمتوں میں اضافے کا منصوبہ بنالیا۔
ذرائع کے مطابق حکومت نے یکم مارچ سے پیٹرولیم مصنوعات کی قیمتوں میں اضافے کی تیاریاں مکمل کرلیں، پیٹرول4 روپے 50 پیسے ڈیزل ڈھائی روپےمٹی کا تیل 2.92 پیسے فی لیٹر ہونے کا امکان ہے۔ جبکہ لائٹ ڈیزل آئل کی قیمتیں برقرار رکھنے کی تجویز دی گئی ہے۔
ذرائع کے مطابق برنٹ آئل مارکیٹ میں خام تیل کی قیمت 82 ڈالر 52 سینٹ فی بیرل ہے، اوگرا پیٹرولیم مصنوعات کی قیمتوں میں اضافے کی سمری 29 فروری کو وزارت پیٹرولیم کو ارسال کرےگا۔نئی قیمتیں وزیراعظم سے مشاورت کے بعد اناؤنس کی جائیں گی۔
پٹرولیم مصنوعات کی قیمتوں کا اطلاق یکم سے 15 مارچ تک ہو گا۔
