اسلام آباد(روشن پاکستان نیوز) پاکستان میں سونے کے نرخ نے تمام ریکارڈ توڑ دیے، ایک ہی دن میں قیمت میں بڑا اضافہ ہوگیا۔

سونے کی قیمت میں 21 ہزار ایک سو روپے کا اضافہ ہونے سے نئی فی تولہ قیمت پہلی بار ساڑھے پانچ لاکھ سے تجاوز کر گئی ہے۔

ایک ہی دن میں سونے کی قیمت میں اتنا بڑا اضافہ پہلی بار ہوا ہے جس کے بعد نئی فی تولہ قیمت 5 لاکھ 51 ہزار 961 روپے ہوگئی ہے۔

پہلی بار دس گرام کی قیمت میں بھی ایک دن میں بڑا اضافہ ہوا ہے، دس گرام سونا 18 ہزار 90 روپے مہنگا ہونے سے 4 لاکھ 72 ہزار 961 روپے کی بلند ترین سطح پر پہنچ گیا۔

سونا بلند ترین سطح کو چھونے کے بعد سستا ہو گیا

عالمی مارکیٹ میں سونے کے نرخ میں 211 ڈالر کا اضافہ ہوا ہے جس کے بعد فی اونس قیمت 5293 ڈالر کی بلند ترین سطح پر پہنچ گئی ہے۔

چاندی کی قیمت نے بھی تمام ریکارڈ توڑ دیے ہیں، فی تولہ قیمت 271 روپے مہنگی ہونے سے 11911 روپے کی ریکارڈ سطح پر پہنچ گئی ہے۔