تہران(روشن پاکستان نیوز) ایران کے سپریم لیڈر آیت اللہ علی خامنہ ای کو ممکنہ امریکی حملے کے خدشے کے پیشِ نظر تہران میں خصوصی زیرِ زمین پناہ گاہ منتقل کر دیا گیا۔
اپوزیشن سے وابستہ ویب سائٹ ایران انٹرنیشنل کے مطابق ایرانی فوجی اور سکیورٹی حکام نے امریکی حملے کے خطرے میں اضافے کا اندازہ لگایا، جس کے بعد خامنہ ای کو ایک محفوظ اور مضبوط زیرِ زمین تنصیب میں منتقل کیا گیا۔
ویب سائٹ کے مطابق یہ جگہ ایک قلعہ نما مقام ہے جس میں ایک دوسرے سے جڑی ہوئی سرنگیں موجود ہیں۔
مزید پڑھیں:خامنہ ای پر حملہ ایران کے خلاف پوری جنگ تصور کی جائے گی: ایرانی صدر
ویب سائٹ نے مزید بتایا کہ سپریم لیڈر کے تیسرے بیٹے، مسعود خامنہ ای نے خامنہ ای کے دفتر کے روزمرہ امور کی نگرانی سنبھال لی ہے۔
