اسلام آباد(روشن پاکستان نیوز) ٹی 20ورلڈکپ میں بنگلا دیش کی جگہ اسکاٹ لینڈ کو شامل کرلیاگیا۔
بھارتی میڈیا نے دعویٰ کیا ہے کہ آئی سی سی چیئرمین کچھ دیر میں باضابطہ اعلان کریں گے،بنگلا دیش نے ٹی20ورلڈ کپ کے لیے بھارت جانے سے انکارکیا تھا۔
قبل ازیں بنگلا دیش کرکٹ بورڈ نے ٹی 20 ورلڈ کپ کے معاملے پر انٹرنیشنل کرکٹ کونسل (آئی سی سی) کو ایک اور خط لکھا تھا۔
نجی چینل نے ذرائع کے حوالے سے بتایا کہ ٹی 20 ورلڈ کپ میں شرکت اور بھارت نہ جانے کے معاملے پر بی سی بی نے ایک اور خط لکھ کر معاملہ آئی سی سی انڈیپنڈنٹ ڈسپیوٹ ریزولوشن کمیٹی کو بھیجنے کا کہہ دیا ہے۔
بنگلہ دیش نے بھارت کیلئے ویزوں کا اجرا روک دیا
ذرائع نے کہا کہ بی سی بی نے کل کے فیصلے کی روشنی میں آئی سی سی سے دوبارہ رابطہ کرکے اپنی ٹیم بھارت نہ بھجوانے کے فیصلے کو برقرار رکھا ہے تاہم بنگلہ دیش کے میچز ری لوکیٹ کرنیکی درخواست کی ہے۔
