اسلام آباد (روشن پاکستان نیوز):ہونڈا موٹر سائیکل خریدنے کے خواہشمند صارفین کے لیے خوشخبری, کمپنی نے بینک الفلاح کے اشتراک سے بغیر سود کے آسان اقساط پر موٹر سائیکل خریدنے کی اسکیم متعارف کروا دی ہے۔

سکیم کے تحت ہونڈا کے مقبول ماڈلز CG 125، CG 150 اور CD 70 کو بینک کریڈٹ کارڈ کے ذریعے ماہانہ اقساط میں حاصل کیا جا سکتا ہے، جس سے مہنگائی کے دور میں نئی موٹر سائیکل خریدنے کا بوجھ کم ہوگا۔

یہ سکیم ایسے وقت میں متعارف کرائی گئی ہے جب مہنگائی کے باعث نئی موٹر سائیکل خریدنا عام صارفین کے لیے مشکل ہو رہا ہے، بغیر سود اقساط کی سہولت سے صارفین پر مالی بوجھ کم ہوگا اور مقامی آٹو مارکیٹ میں بھی سرگرمی بڑھنے کی توقع ہے۔

 یہ بھی پڑھیں:ہنڈا 125: پاکستان کے نوجوانوں کی ہر دلعزیز سواری، سوشل میڈیا پر دلچسپ تبصرے جاری

اس سکیم میں ہونڈا کمپنی کے تین ماڈلز شامل ہیں، جن میں ہونڈا سی ڈی 70، ہونڈا سی جی 125 اور ہونڈا سی جی 150 شامل ہیں۔ بینک حکام کے مطابق ان ماڈلز پر کوئی سود وصول نہیں کیا جائے گا، تاہم صارفین کو پروسیسنگ فیس اور فیڈرل ایکسائز ڈیوٹی ادا کرنا ہوگی۔ یہ  سکیم محدود مدت کے لیے ہے اور موٹر سائیکل کی دستیابی اسٹاک سے مشروط ہے۔

ہونڈا CD 70 کی قیمت 159,900 روپے ہے اور اب اسے 26,650 روپے ماہانہ اقساط پر حاصل کیا جا سکتا ہے۔ اسی طرح CG 125 اور CG 150 بھی اس بغیر سود اسکیم کے تحت دستیاب ہیں، جس سے یکمشت بڑی رقم ادا کرنے کی ضرورت نہیں۔