اسلام آباد (عرفان حیدر) اینٹی نارکوٹکس فورس (اے این ایف) نے تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف بھرپور کریک ڈاؤن کرتے ہوئے 9 کارروائیوں میں 5 ملزمان کو گرفتار کر لیا۔

اے این ایف کے مطابق کارروائیوں کے دوران 24 کروڑ 48 لاکھ روپے سے زائد مالیت کی مجموعی طور پر 258.94 کلوگرام منشیات برآمد کی گئیں۔

تعلیمی اداروں کے اطراف کارروائیاں:
ساہو چوک، ملتان کے قریب ایک ملزم کے بیگ سے 2 کلوگرام آئس برآمد کی گئی۔ گرفتار ملزم نے تعلیمی اداروں کے طلباء کو منشیات فروخت کرنے کا اعتراف کیا۔

دیگر کارروائیاں:
گلبرگ لاہور میں واقع ایک کوریئر آفس سے ریاض بھیجے جانے والے پارسل میں کتابوں کے اندر چھپائی گئی 2.5 کلوگرام آئس برآمد کی گئی۔
علامہ اقبال انٹرنیشنل ایئرپورٹ کے کارگو شیڈ میں دبئی بھیجے جانے والے پارسل سے کتابوں میں جذب شدہ 765 گرام آئس برآمد ہوئی۔
شاہ جمال روڈ لاہور کے ایک کوریئر آفس میں برطانیہ بھیجے جانے والے پارسل سے 6.72 کلوگرام وزنی 67 ہزار 200 والیم گولیاں برآمد کی گئیں۔
رنگ روڈ پشاور کے قریب ایک گاڑی سے 15.6 کلوگرام افیون برآمد کر کے ملزم کو گرفتار کیا گیا۔
انڈس ہائی وے کوہاٹ کے قریب گاڑی سے 10.8 کلوگرام چرس برآمد ہوئی، جس میں 2 ملزمان گرفتار کیے گئے۔
فتح جنگ ٹول پلازہ، اسلام آباد کے قریب گاڑی سے 2.4 کلوگرام چرس برآمد کر کے ملزم کو گرفتار کیا گیا۔
جی ٹی روڈ لاہور پر واقع کوریئر آفس میں کراچی سے آنے والے پارسل سے 20.16 کلوگرام والیم گولیاں برآمد ہوئیں۔
ویسٹرن بائی پاس ہزار گنجی، کوئٹہ کے قریب کارروائی کے دوران 198 کلوگرام ہیروئن برآمد کی گئی۔

اے این ایف کا ملک بھر میں منشیات اسمگلنگ کے خلاف بڑا کریک ڈاؤن، 5 کارروائیوں میں خاتون سمیت 7 ملزمان گرفتار، 30 کروڑ سے زائد مالیت کی منشیات برآمد

اے این ایف کے مطابق تمام کارروائیوں کے تحت انسدادِ منشیات ایکٹ 1997 کے تحت مقدمات درج کر کے مزید تحقیقات کا آغاز کر دیا گیا ہے۔