اسلام آباد(روشن پاکستان نیوز) پاسپورٹ بنوانے کے خواہشمند افراد کے لیے بڑی خوشخبری آ گئی۔
محکمہ پاسپورٹس نے درخواستوں، پرنٹنگ اور کارکردگی مانیٹرنگ کا نیا نظام متعارف کرا دیا۔ اب پاکستان اور دنیا بھر میں پاسپورٹ درخواستوں اور ڈیلیوری کی رئیل ٹائم مانیٹرنگ کی جا سکے گی۔
ڈی جی پاسپورٹس کی ہدایت پرہیڈ کوارٹرز میں خصوصی مانیٹرنگ روم قائم کر دیا گیا جو 24 گھنٹے کام کرے گا، ڈیجیٹل اینٹگریٹڈ ڈیش بورڈ سے ڈیلی آپریشنز کی مانیٹرنگ اور ایولیوشن ہو گی۔
نئے مانیٹرنگ سسٹم کے تحت پاسپورٹ کے اپلائی ہونے سے ڈیلیوری تک ہر مرحلے پر نگرانی کی جائے گی ، پاسپورٹ دفاتر میں رش کی بھی خود کار نشاندہی کی جا سکے گی۔
مزید پڑھیں: دنیا کے طاقتور ترین پاسپورٹ کی فہرست جاری، مسلم ملک سرفہرست
اس کے علاوہ اسٹاف کی کارکردگی، پاسپورٹ پرنٹنگ کا عمل اور بیک لاگ اور مشینری اسٹیٹس بھی مانیٹر ہو گا۔
