اسلام آباد(روشن پاکستان نیوز) پاکستان میں آئے روز سونے کی بڑھتی قیمتوں کے بعد  بھارت میں  بھی سونے اور چاندی کی قیمتوں میں اضافہ دیکھنے میں آرہا ہے۔

بھارتی میڈیا رپورٹس کے مطابق  سونے کی قیمت میں اضافے کے بعد  ممبئی میں  آج 10 گرام سونے ( 24 قیراط)  کی قیمت ایک لاکھ30 ہزار 310 بھارتی روپے ہے۔

مزید پڑھیں:سونا مزید مہنگا ، فی تولہ قیمت کتنی ہو گئی؟

اسی طرح   22 قیراط کے 10 گرام سونے کی قیمت ایک لاکھ 19 ہزار 450 بھارتی روپے ہے جب کہ سونے کی قیمتوں میں جی ایس ٹی اور میکنگ چارجز شامل نہیں ہیں۔

بھارتی میڈیا رپورٹس کے مطابق دہلی میں 10 گرام سونے ( 24 قیراط) کی قیمت سب سے زیادہ یعنی  ایک لاکھ30 ہزار 450 بھارتی روپے ہے جب کہ  ممبئی اورکلکتہ سمیت دیگر شہروں میں  10 گرام سونے کی قیمت ایک لاکھ30 ہزار 310 بھارتی روپے ہے۔

دوسری جانب بھارت میں فی کلو گرام چاندی کی قیمت  میں بھی 9000 روپے کا بڑا اضافہ ریکارڈ کیا گیا ہے جس  کے بعد ایک کلو چاندی کی قیمت  ایک لاکھ 99 ہزار روپے ہوگئی ہے۔

بھارتی میڈیا رپورٹس میں  دعویٰ کیا گیا ہے کہ   دسمبر میں  بھارت میں  3.50 فیصد سے 3.75 فیصد تک سونے کی قیمتوں میں کمی آنے کا امکان ہے۔

بھارت میں  کون سے عوامل سونے کی قیمتوں کو متاثر کرتے ہیں؟

بھارت میں بین الاقوامی شرح مارکیٹ ، درآمدی محصولات، ٹیکس اور شرح مبادلہ میں اتار چڑھاؤ بنیادی طور پر سونے کی قیمتوں کو متاثر کرتے ہیں۔

پاکستان میں سونے کی قیمت

گزشتہ روز پاکستان میں  سونے کی قیمت میں1900 روپے فی تولہ کمی ریکارڈ کی گئی  تھی جس کے بعد سونے کا بھاؤ 4 لاکھ 41 ہزار 862 روپے فی تولہ ہوگیا تھا۔