اسلام آباد(روشن پاکستان نیوز) شہریوں سے ایک لیٹر پیٹرول اور ڈیزل پر لئے جانے والے ٹیکس کی تفصیلات سامنے آ گئی ہیں۔
ایک نجی چینل نے پیٹرولیم ڈویژن کے ذرائع کے حوالے سے بتایا کہ فی لیٹر پیٹرول کی قیمت میں 37 فیصد ٹیکسز شامل ہیں۔ حکومت ایک لیٹر پیٹرول پر 96 روپے 28 پیسے کے ٹیکسز وصول کر رہی ہے۔
ذرائع نے مزید بتایا کہ ایک لیٹر ڈیزل کی قیمت میں 34 فیصد ٹیکسز شامل ہیں، ایک لیٹر ڈیزل کی قیمت میں 94 روپے 92 پیسے کے ٹیکسز ہیں۔
مزید پڑھیں: پیٹرول 2 روپے ،ڈیزل 4 روپے 79 پیسے فی لیٹر سستا کردیا گیا
ذرائع کا کہنا ہے کہ پیٹرول اور ڈیزل پر یہ ٹیکس کسٹم ڈیوٹی پیٹرولیم اور کلائیمیٹ لیوی کی مد میں عائد کئے گئے ہیں۔ اس وقت ملک میں پیٹرول کی قیمت 263 روپے 45 پیسے اور ڈیزل کی قیمت 279 روپے 64 پیسے فی لیٹر ہے۔
