اسلام آباد(روشن پاکستان نیوز) وزیر اطلاعات عطا اللہ تارڑ نے کہا ہے کہ پی ٹی آئی کا ملک دشمن عناصر کے ساتھ گٹھ جوڑ بے نقاب ہوچکا ہے۔
انہوں نے کہا کہ پچھلے کچھ دنوں سے ملک میں عدم استحکام کی فضا پیدا کرنے کی کوشش کی جا رہی ہے، وزیر اطلاعات عطا تارڑ نے کہا کہ پی ٹی آئی کا ملک دشمن عناصر کے ساتھ گٹھ جوڑ بے نقاب ہوچکا ہے۔
وزیر اطلاعات نے کہا کہ ملک میں امن وامان کے لیے سیکیورٹی فورسز قربانیاں دے رہی ہیں، ملک میں پھیلائی جانے والی افواہیں منظم سازش کا حصہ ہیں، افغان رجیم کی کمزوریوں کی وجہ سے دراندازی بڑھ گئی ہے، افغانستان سے دراندازی روکنے کے لیے فوج کی کارروائیاں جاری ہیں۔
وزیر اطلاعات نے کہا کہ ڈی جی آئی ایس پی آر نے ملک کی سیکیورٹی صورتحال پر گفتگو کی، انہوں نے افغانستان سے جاری دہشتگردی کا بتایا، عطا تارڑ نے کہا کہ خیبرپختونخوا میں سیاسی لوگوں کادہشتگردوں کیساتھ گٹھ جوڑ ہے۔
مزید پڑھیں: پی ٹی آئی نے موٹر وے بند کرنے کا اعلان کردیا
عطا تارڑ نے کہا کہ خیبرپختونخوا میں 4 ہزار سے زائد دہشتگردی کے مقدمات میں سزائیں نہیں ہوئیں، صوبائی حکومت کی کوتاہی کے باعث خیبرپختونخوا میں دہشتگردی بڑھ رہی ہے، خیبرپختونخوا میں دہشتگردی کا بڑھنا صوبائی حکومت کی ناکامی ہے۔
وزیر اطلاعات نے کہا کہ پورے خیبرپختونخوا میں نان کسٹم پیڈ گاڑیاں گھوم رہی ہیں، خیبرپختونخوا میں تحریک انصاف کی کارکردگی صفر ہے، ان کا کہنا تھا کہ شہبازشریف اصلاحات کررہے ہیں اور کے پی حکومت مافیا کو تحفظ دے رہی ہے۔
دہشتگردگرفتار ہوتے ہیں مگر کے پی حکومت کے پاس کیس لڑنے کی صلاحیت ہی موجود نہیں، انہوں نے کہا کہ دہشتگردوں کو مقامی علاقوں میں پناہ ملتی ہے، انہوں نے کہا کہ آج خیبرپختونخوا میں غیر قانونی ٹھیکوں پر پہاڑ کاٹے جا رہے ہیں۔
وزیر اطلاعات کہا کہ بانی پی ٹی آئی کی بہنیں 9مئی کو جتھوں کے ساتھ موجود تھیں، 9 مئی کے منصوبہ ساز اورسہولت کار جلد قانون کے کٹہرے میں ہوں گے۔
عطا تارڑ نے کہا کہ خیبرپختونخوا حکومت دہشتگردی کیخلاف ایک مذمتی بیان تک نہیں دیتی، ایک ملک کی زمین ہمارے خلاف استعمال ہوتی ہے، ان سے محبت سمجھ نہیں آتی۔
انہوں نے کہا کہ بھارتی چینلز پر جاکر نہ شہدا کی بات کی، نہ ہی کشمیریوں کا ذکر کیا، ان سے پاکستان کی معرکہ حق میں فتح اور سفارتی کامیابیاں برداشت نہیں ہوتیں، ان کا کہنا تھا کہ پی ٹی آئی چاہتی ہے کہ ملک اندر سے کمزور ہو۔
