راولپنڈی(عرفان حیدر) ہارٹیکلچر ایجنسی راولپنڈی کی جانب سے خیابان سیکٹر میں شاہ نجف پارک میں شجرکاری مہم کا انعقاد کیا گیا،شاہ نجف پارک میں مختلف درخت لگائے گئے جن میں سکھ چین،پاپولر اور لجسٹرومیا اور دیگر اقسام کے درخت شامل ہیں،ہارٹیکلچر ایجنسی راولپنڈی کی شجر کاری مہم کا مقصد فضائی آلودگی کو کم کرنا اور شہر کو سرسبز بنانا ہے،جس کے تحت روزانہ کی بنیاد پر مختلف پارکوں اور گرین بیلٹس پر پودے لگائے جا رہے ہیں،شجرکاری مہم سے ماحولیاتی توازن کو برقرار رکھنے میں بھی مدد ملے گی،اس حوالے سے ایم ڈی پی ایچ اے کا کہنا تھا کہ عوام ہارٹیکلچر ایجنسی کی شجرکاری مہم میں بڑھ چڑھ کر حصہ لیں اور راولپنڈی شہر کو خوبصورت اور آلودگی سے پاک بنانے میں اپنا کردار ادا کریں،
احمد حسن رانجھا کا مزید کہنا تھا کہ آلودگی اور سموگ کے خاتمے کے لیے شجر کاری نہایت ضروری ہے، راولپنڈی شہر کی خوبصورتی کے لیے ہارٹیکلچر ایجنسی راولپنڈی کے جاری منصوبوں کی بروقت تکمیل کے لیے ہر ممکن وسائل بروئے کار لائے جائیں گے، سرسبز پنجاب وزیرِ اعلی پنجاب مریم نواز شریف کا فوکس ہے، اس پر عمل پیرا رہیں گے،
