لاہور(روشن پاکستان نیوز) انسدادِ دہشت گردی عدالت نے تھانہ مغلپورہ میں پولیس کی گاڑیاں جلانے کے مقدمہ نمبر 1570/23 میں پاکستان تحریک انصاف کی رہنما ڈاکٹر یاسمین راشد کی ضمانت منظور کر لی۔
یہ فیصلہ انسدادِ دہشت گردی عدالت کے جج منظر علی گل نے سنایا اور ڈاکٹر یاسمین راشد کو ایک لاکھ روپے کے ضمانتی مچلکے جمع کرانے کا حکم بھی دیا۔
ڈاکٹر یاسمین راشد کی دیگر تین مقدمات میں دائر ضمانت کی درخواستوں پر سماعت 25 نومبر تک ملتوی کر دی گئی ہے۔ وہ عسکری ٹاور حملہ کیس اور جناح ہاؤس کے قریب چوک میں پولیس کی گاڑیاں جلانے کے مقدمات میں بھی ضمانت کی درخواستیں دائر کر چکی ہیں۔
مزید پڑھیں: آنکھوں سے گردوں کی خرابی کی نشانیاں کیسے نوٹ کریں؟
واضح رہے کہ ڈاکٹر یاسمین راشد کو نو مئی کے دیگر چار مقدمات میں سزا ہو چکی ہے۔
