اسلام آباد(عرفان حیدر) اینٹی نارکوٹکس فورس (اے این ایف) نے تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف کاروائی کی۔ پانچ کارروائیوں کے دوران دو ملزمان کو گرفتار کیا گیا اور 46 کروڑ 53 لاکھ روپے سے زائد مالیت کی 390.52 کلوگرام منشیات برآمد کی گئی۔

تعلیمی اداروں میں کارروائیاں:
قراقرم ہائی وے روڈ مانسہرہ کے قریب ایک ملزم سے 400 گرام چرس برآمد ہوئی۔ گرفتار ملزم نے اعتراف کیا کہ وہ منشیات تعلیمی اداروں کے طلباء کو فروخت کرتا تھا۔

دیگر کارروائیاں:

• کراچی میں ایک کوریئر آفس سے برطانیہ جانے والے پارسل میں لیڈیز پرس کے اندر 124 گرام ہیروئن برآمد ہوئی۔

• لاہور کے خیابان فردوسی روڈ پر ہسپتال کے قریب ایک ملزم کے قبضے سے 2 کلوگرام آئس برآمد ہوئی۔

• پشاور کے حیات آباد میں کوریئر آفس سے ساہیوال بھیجے جانے والے پارسل میں ٹارچ اور سیڈونچ میکر کے اندر 1 کلوگرام آئس برآمد ہوئی۔

• علی زئی، ضلع پشین میں 387 کلوگرام ہیروئن برآمد کی گئی۔

کاروائیوں کے دوران انسداد منشیات ایکٹ 1997 کے تحت مقدمات درج کر کے تحقیقات شروع کر دی گئی ہیں۔

مزید پڑھیں: اے این ایف کا ملک گیر کریک ڈاؤن، خاتون سمیت 7 ملزمان گرفتار، 17.8 کلوگرام منشیات برآمد