کراچی(روشن پاکستان نیوز) ملک میں سونے کی قیمت میں ایک بار پھر بڑا اضافہ ہوا ہے۔ فی تولہ سونے کی قیمت میں 2 ہزار 550 روپے کا اضافہ ہو گیا۔
سندھ صرافہ بازار جیولرز ایسوسی ایشن کے مطابق سونے کی قیمت تاریخ کی بلند ترین سطح پر پہنچ گئی۔ فی تولہ سونے کی قیمت میں 2 ہزار 550 روپے اضافہ ہوا ہے۔ جس کے بعد فی تولہ سونے کی قیمت 3 لاکھ 17 ہزار 350 روپے پر پہنچ گئی۔
10 گرام سونا 2 ہزار 186 روپے مہنگا ہو گیا۔ 10 گرام سونے کی قیمت 2 لاکھ 72 ہزار 76 روپے ہو گئی۔
یہ بھی پڑھیں:سونا چھپانے کے طریقے یوٹیوب سے سیکھے، 14 کلو سونا اسمگل کرنیوالی بھارتی اداکارہ کا انکشاف
عالمی مارکیٹ میں فی اونس سونے کی قیمت میں 25 ڈالر کا اضافہ دیکھا گیا۔ اور فی اونس سونے کی قیمت 3 ہزار 22 ڈالر کی نئی بلند ترین سطح پر پہنچ گئی۔
دوسری جانب چاندی کی قیمت میں بھی 25 روپے کا اضافہ ریکارڈ کیا گیا۔ اضافے کے بعد فی تولہ چاندی کی قیمت 3 ہزار 555 روپے ہو گئی۔ اور 10 گرام چاندی کی قیمت اضافے کے بعد 3 ہزار 47 روپے پر پہنچ گئی۔
