نوشکی(روشن پاکستان نیوز) بلوچستان کے نوشکی دالبندین شاہراہ این 40 پر سکیورٹی فورسز کی گاڑی کے قریب دھماکے کے نتیجے میں 5 افراد جاں بحق اور 25 زخمی ہو گئے۔
پولیس کے مطابق زخمیوں کو نوشکی اسپتال منتقل کر دیا گیا ہے جبکہ میر گل خان نصیر ٹیچنگ اسپتال میں ایمرجنسی نافذ کر دی گئی ہے۔
زوردار دھماکے کی آواز دور تک سنی گئی، سیکیورٹی اہلکاروں نے علاقے کو گھیرے میں لیکر تفتیش شروع کر دی ہے ، پولیس حکام کے مطابق دھماکے کی نوعیت کا تعین کیا جا رہا ہے۔
دوسری جانب قلعہ سیف اللہ میں لیویز لائن کے مین گیٹ پر بھی دھماکہ ہوا، تاہم کوئی جانی نقصان نہیں ہوا۔
مزید پڑھیں: پولیس نے خیبر میں چوکی پر دہشت گردوں کا حملہ پسپا کردیا
