اسلام آباد(روشن پاکستان نیوز) آئی ایم ایف سے سات ارب ڈالر کے بیل آؤٹ پیکیج کے تحت ایک ارب ڈالر کی اگلی قسط ملنے کے حوالے سے اہم پیشرفت ہوئی ہے۔ اس سلسلے میں آئی ایم ایف کا جائزہ مشن کل اسلام آباد پہنچے گا۔
ذرائع کا کہنا ہے کہ وفد کے ساتھ اقتصادی جائزہ مذاکرات 15 مارچ تک جاری رہیں گے، آئی ایم ایف اور پاکستانی حکام کے درمیان پہلے مرحلے میں تکینیکی اور دوسرے مرحلے میں پالیسی سطح پر مذاکرات ہوں گے۔
عالمی مالیاتی ادارے کا 9 رکنی وفد نیتھن پورٹر کی قیادت میں دو ہفتے پاکستان میں قیام کرے گا۔ مذاکرات کے دوران وفد آئندہ مالی سال کے بجٹ کے لیے تجاویز بھی پیش کرے گا۔ جس سے تنخواہ دار طبقے کو ریلیف ملنے کا امکان ہے۔
مزید پڑھیں: پاکستان کی تاریخ میں آئی ایم ایف کا پروگرام آخری ہے، وزیر اعظم
وفد کے وزارت خزانہ، توانائی، منصوبہ بندی اور اسٹیٹ بینک سمیت مختلف اداروں کے ساتھ مذاکرات شیڈول ہیں۔
