کراچی (روشن پاکستان نیوز) پاکستانی زمیندار کی جانب سے بھارتی رقاصہ اور اداکارہ راکھی ساونت کو ایک منفرد اور انوکھی پیشکش کی گئی ہے۔
جنوبی پنجاب کے زمیندار سردار مظفر کولاچی نے سوشل میڈیا پر وائرل ہونے والی ویڈیو میں کہا کہ اگر راکھی ساونت مفتی عبدالقوی سے شادی کرتی ہیں تو وہ انہیں 35 کروڑ روپے کی مالیت کی زمین اور زیورات بطور تحفہ دیں گے۔
سردار مظفر کولاچی نے ویڈیو میں کہا کہ ان کا تعلق تونسہ شریف سے ہے اور وہ راکھی ساونت کی بے حد عزت کرتے ہیں۔
انہوں نے وعدہ کیا کہ وہ راکھی ساونت کو وائٹ گولڈ سے بنی 7 تولے کی چین، ایک ہیرے کی انگوٹھی اور کف لنکس دیں گے، جو تمام نایاب اور قیمتی ہیں۔
انہوں نے مزید کہا کہ یہ سب مردانہ ہیں لیکن اگر راکھی چاہیں تو ان زیورات کو زنانہ بھی بنوایا جا سکتا ہے۔ اس کے علاوہ، سردار مظفر نے پرفیومز اور گھڑیاں بھی تحفے میں دینے کا عندیہ دیا ہے اور کہا ہے کہ اگر راکھی ساونت مفتی قوی سے شادی کے لیے راضی ہوجائیں گی تو وہ مفتی قوی کے ساتھ دبئی جانے کے لیے بھی تیا رہیں۔
مزید پڑھیں: لاہور ہائیکورٹ کے 9 نئے ایڈیشنل ججز نے حلف اٹھا لیا
ویڈیو میں مفتی عبدالقوی کا بھی ذکر کیا گیا ہے، جنہوں نے اس شادی کی پیشکش کو قبول کیا ہے اور سردار مظفر کے اس تحفے کی قدر کی۔ مفتی قوی نے کہا کہ وہ راکھی کے ساتھ شادی کے بعد ان تمام قیمتی اشیاء اور زمینوں کو انہیں تحفے میں دے دیں گے۔
سردار مظفر نے کہا کہ اس تمام مالیت کی اشیاء کی قیمت تقریباً 35 کروڑ روپے بنتی ہے اور ان کی یہ پیشکش راکھی ساونت کے لیے ایک خصوصی دعوت ہے کہ وہ مفتی قوی سے شادی کرنے پر راضی ہوں۔
اس دلچسپ پیشکش پر راکھی ساونت کا ردعمل سامنے آنا ابھی باقی ہے، لیکن اس خبر نے سوشل میڈیا پر خوب ہلچل مچا دی ہے۔
