اسلام آباد(روشن پاکستان نیوز) پاکستان تحریک انصاف کی جانب سے اعلان لاتعلقی پر سابق وفاقی وزیر فواد چوہدری کا ردعمل آ گیا ہے۔
فواد چوہدری نے دعویٰ کیا کہ عمران خان نے خود انہیں ہدایت کی ہے کہ وہ پارٹی کے موجودہ عہدیداروں کی جانب سے ان پر کی جانے والی کسی بھی تنقید کا جواب نہ دیں۔
ان کا کہنا تھا کہ جب تک میں عمران خان سے ملاقات نہیں کرتا اور وجہ نہیں جانتا، میں کوئی تبصرہ نہیں کر سکتا۔
انہوں نے کہا کہ میں بانی پی ٹی آئی کیساتھ ہوں اور اس بات کی پرواہ نہیں کرتا کہ بیرسٹر گوہر یا سلمان اکرم راجہ میرے موقف کے بارے میں کیا کہتے ہیں۔
واضح رہے گزشتہ روز چیئرمین پی ٹی آئی بیرسٹر گوہر نے کہا تھا کہ عمران خان کی ہدایات پر عمل کرتے ہوئے پی ٹی آئی نے فواد چوہدری سے مکمل طور پر لاتعلقی اختیار کر لی ہے۔
مزید پڑھیں: عمران خان کا کل سے بیرون ملک مقیم پاکستانیوں کو ترسیلات زر روکنے کا پیغام
بیرسٹر گوہر نے کہا تھا کہ فواد چودھری پارٹی کی جانب سے میڈیا پر بیان جاری کرنے یا ٹی وی ٹاک شوز میں شرکت کے مجاز نہیں۔
