اسلام آباد(روشن پاکستان نیوز) دہشتگردوں کے ہاتھوں آرمی پبلک اسکول پشاور کے بچوں کے قتل عام کو دس سال مکمل ہوگئے۔
صدر آصف علی زرداری نے اپنے پیغام میں کہا ہے کہ سانحہ اے پی ایس جیسے واقعات دہشتگردوں اور خوارج کا اصل چہرہ بےنقاب کرتے ہیں۔
انہوں نے کہا کہ سانحہ اے پی ایس نے ہمیں دہشتگردی کے خلاف بحیثیت قوم متحد کیا، قانون نافذ کرنے والے اداروں اور عام شہریوں کی قربانیوں کو خراج عقیدت پیش کرتے ہیں۔
وزیراعظم شہباز شریف نے کہا ہے کہ دہشتگرد 144 معصوم جانوں کو ہم سے ہمیشہ کے لیے جدا کرگئے، وقت اس سانحے اور ان معصوم بچوں کی جدائی کا صدمہ مٹا نہیں سکتا۔
مزید پڑھیں: تھائی لینڈ نے پاکستانی شہریوں کے لیے ای ویزا سروس متعارف کروا دی
اپنے بیان میں وزیراعظم نے کہا کہ بیرونی ملک دشمن عناصر کی ایما پر دہشتگرد معصوم پاکستانیوں کو نشانہ بناتے ہیں، سیکیورٹی فورسز ملک دشمن عناصر سے ہمت اور جواں مردی سے نبرد آزما ہیں۔
