سی پی او سید خالد ہمدانی کی ہدایت پر پبلک سروس گاڑیوں کی فٹنس، روٹ پرمٹ اور لائسنس چیکنگ کا سلسلہ جاری ہے۔ 68 روز کے دوران 1384 ان فٹ گاڑیاں بند کی گئی ہیں۔ سی پی او کے مطابق، 9627 پبلک سروس گاڑیوں کے چالان کیے گئے، جس پر 1 کروڑ 4 لاکھ 10 ہزار روپے کے جرمانے عائد کیے گئے۔ بغیر لائسنس گاڑی چلانے والے 783 ڈرائیوروں کے خلاف قانونی کارروائی کی گئی اور 27 ڈرائیوروں کے لائسنس بھی منسوخ کیے گئے۔
اس کے علاوہ، پبلک سروس گاڑیوں کے ڈرائیوروں اور مالکان کے خلاف 52 مقدمات درج کیے گئے ہیں۔ سی پی او کا کہنا ہے کہ غفلت و کوتاہی کے مرتکب گاڑیوں کے مالکان اور اڈہ منیجرز کے خلاف بھی کارروائی کی جائے گی۔ ان کا یہ بھی کہنا تھا کہ شہریوں کی زندگی کو خطرے میں ڈالنے والوں کے خلاف سخت قانونی کارروائی کو یقینی بنایا جائے گا۔
