راولپنڈی (روشن پاکستان نیوز)راولپنڈی پولیس کی مؤثر کارروائیوں کے نتیجے میں مختلف نوعیت کے جرائم میں ملوث مجرمان کو سزائیں سنائی گئی ہیں، جن میں منشیات، ڈکیتی، اور اغوا جیسے سنگین جرائم شامل ہیں۔
منشیات کے مقدمات:
عدالت نے منشیات کے دو مقدمات میں مجرمان کو مجموعی طور پر 18 سال قید اور 1 لاکھ 80 ہزار روپے جرمانے کی سزائیں سنائیں۔ مجرم نزاکت کو 9 سال قید اور 1 لاکھ روپے جرمانہ عائد کیا گیا، جبکہ آصف علی کو بھی 9 سال قید اور 80 ہزار روپے جرمانہ کی سزا ملی۔ دونوں مجرمان کو مختلف مقدمات میں گرفتار کیا گیا تھا جن میں چرس کی بڑی مقدار شامل تھی۔
مندرہ پولیس کی کارروائی:
لینڈ دین کے تنازعہ پر شہری رشید کو اغوا کرکے قتل کرنے والے ملزم غلام عباس کو گرفتار کر لیا گیا۔ ملزم نے دوران تفتیش قتل کے بعد نعش کے ٹکڑے کرنے کا انکشاف کیا، جس کی نشاندہی پر باقیات بھی برآمد کر لی گئیں۔
ڈکیتی معہ قتل:
ڈکیتی اور قتل کے مقدمے میں مجرمان شہباز اور عمر کو سزائے موت اور 5 لاکھ روپے ہرجانے کی سزا سنائی گئی۔ اس مقدمے میں مجرمان نے فائرنگ کر کے شہری کو قتل کیا تھا۔
پتنگ بازی کے خلاف کارروائیاں:
ٹیکسلا پولیس نے پتنگ فروشی کے خلاف کارروائی کرتے ہوئے دو ملزمان کو گرفتار کر کے ان کے قبضے سے 2400 پتنگیں اور 17 ڈوریں برآمد کیں۔
شراب سپلائرز کے خلاف کارروائی:
راولپنڈی پولیس نے مختلف مقدمات میں 4 ملزمان کو گرفتار کیا جن میں سے 2 سے چرس اور دیگر سے شراب برآمد ہوئی۔ ایس پی آپریشنز نے منشیات فروشوں اور شراب سپلائرز کے خلاف بھرپور کریک ڈاؤن کا اعلان کیا۔
اشتہاری مجرمان کی گرفتاری:
صدر واہ پولیس نے اغوا کے مقدمے میں مطلوب اشتہاری مجرم ارشد کو گرفتار کر لیا، جبکہ آراے بازار پولیس نے زیادتی اور اغوا کے مقدمے میں عنصر کو گرفتار کیا۔
سٹریٹ کرائم کی روک تھام:
تھانہ سٹی پولیس نے سٹریٹ کرائم کی وارداتوں میں ملوث دو رکنی گینگ کو گرفتار کیا، جن سے چھینا گیا موٹر سائیکل، 15 ہزار روپے اور وارداتوں میں استعمال ہونے والا اسلحہ برآمد ہوا۔
سرچ آپریشنز:
سی پی او سید خالد ہمدانی کی ہدایت پر مختلف علاقوں میں سرچ آپریشنز کے دوران 7 ملزمان کو کرایہ داری ایکٹ کی خلاف ورزی پر گرفتار کیا گیا۔
ناجائز اسلحہ رکھنے والوں کے خلاف کاروائیاں:
پولیس کی ناجائز اسلحہ رکھنے والوں کے خلاف کاروائیاں جاری ، 07ملزمان گرفتار، اسلحہ معہ ایمونیشن برآمد، مقدمات درج۔تفصیلات کے مطابق تھانہ سٹی پولیس نے عامر سے01پستول30بور معہ ایمونیشن، آراے بازار پولیس نے ملزم غضنفر عباس سے 01پستول30بور معہ ایمونیشن، سول لائنز پولیس نے ملزم عبدالقدیر سے 01پستول30بور معہ ایمونیشن، ملزم نور الحسن سے 01پستول30بور معہ ایمونیشن، گوجر خان پولیس نے ملزم جہانزیب سے 01پستول30بور معہ ایمونیشن، ملزم عامر اسحاق سے 01پستول30بور معہ ایمونیشن، دھمیال پولیس نے ملزم نصرت سے 01کلاشنکوف معہ ایمونیشن برآمد کرکے ملزمان کے خلاف الگ الگ مقدما ت درج کرلیے گئے، ڈویژنل ایس پیز کا کہنا تھاکہ ناجائز اسلحہ رکھنے والوں کے خلاف کاروائیاں جاری رکھی جائیں گی۔
یہ تمام کارروائیاں شہریوں کی جان و مال کی حفاظت اور امن و امان کے قیام کے لئے کی جا رہی ہیں، اور پولیس نے عزم کیا ہے کہ وہ جرائم پیشہ عناصر کے خلاف اپنی کارروائیاں جاری رکھے گی۔
