لاہور(روشن پاکستان نیوز)پاکستان مسلم لیگ ن کے صدر کے انتخاب کے معاملے پر مسلم لیگ ن کی سینٹرل ورکنگ کمیٹی کا اجلاس شروع ہو گیا ہے۔
اجلاس میں وزیرِ اعظم شہباز شریف، نواز شریف اور وزیرِ اعلیٰ پنجاب مریم نواز نے شرکت کی ہے۔
اس کے علاوہ اجلاس میں رانا ثناء اللّٰہ، احسن اقبال، اسحاق ڈار سمیت دیگر اراکین بھی شریک ہیں۔
ذرائع کے مطابق آج کے اجلاس میں نواز شریف کو قائم مقام پارٹی صدر نامزد کیا جائے گا، سینئر ارکان نواز شریف کا نام بطور قائم مقام صدر تجویز کریں گے اور دیگر تائید کریں گے۔
آج کے اجلاس میں جنرل کونسل کے اجلاس کی تاریخ کا اعلان کیا جائے گا، پارٹی صدر کے انتخاب کے لیے الیکشن کمیشن کے ارکان کی بھی نامزدگی کی جائے گی۔
اجلاس کے فیصلوں کی توثیق سی ای سی اور حتمی منظوری جنرل کونسل اجلاس میں دی جائے گی۔
