کراچی: کراچی میں رمضان المبارک کے دوران ڈاکوؤں کی فائرنگ سے کم از کم 16 شہری جاں بحق ہوگئے۔رپورٹ کے مطابق کراچی میں ایک ماہ میں اسٹریٹ کرائم کی 6 ہزار 780 وارداتیں ہوئیں، 20 گاڑیاں چھینی اور 130 سے زائد چوری کی گئیں۔

رپورٹ میں انکشاف کیا گیا ہے کہ رمضان المبارک کے دوران 830 موٹر سائیکلیں چھین لی گئیں اور 4200 چوری کی گئیں۔ جبکہ چھینے گئے موبائل فونز کی تعداد 1,600 تھی۔

امن و امان کی بگڑتی ہوئی صورتحال کو مدنظر رکھتے ہوئے، وزیر اعلیٰ سندھ مراد علی شاہ نے پولیس کو ہدایت کی کہ کراچی میں سیکیورٹی اور مانیٹرنگ کو بڑھایا جائے، کیونکہ عید الفطر سے دو دن قبل لوگوں کی بڑی تعداد بازاروں میں جمع ہے۔مراد نے کہا کہ کراچی میں روزانہ اوسطاً 166 مقدمات درج کیے جاتے ہیں جو کہ ملک کے دیگر شہروں کے مقابلے میں کم ہے۔